Урыннары җәннәттә булсын

Автор: Батулла Р.М.
Нәшрият: Рухият, 2007 ел.
991 бит

Әкиятче, хикәяче, мәзәкче, драматург, сценарист, тәрҗемәче, тарихи кыйссалар иҗат итүче әдип Мөхлисулла углы Рабит Батулла – олуг шәхесләребез турында нәсер-хатирәләр дә терки барган кеше. Бу хатирәләрнең кайсы магнитофонга, кайсысы куен дәфтәренә язылган, кайсысы видеотасмага төшерелгән. Атаклы шәхесләребез турындагы еллар буе тупланган шушы кадерле хатирәләр, мәрсияләр, ниһаять, бер китап рәвешенә китерелде. Әдәбиятчылар, укучылар, галимнәр һәм китап сөючеләр өчен монда бик күп тарихи мәгълүмат тупланган. Үзенә күрә бу җыентык – кыйммәтле энциклопедия.